इंडो-तिबेटियन बॉर्डर पोलीस दल अर्थात आयटीबीपीमध्ये नोकरी करण्याची इच्छा असलेल्या उमेदवारांसाठी एक सुवर्णसंधी आहे. आयटीबीपीने नुकतंच कॉन्स्टेबल ड्रायव्हरच्या 540हून अधिक जास्त पदांच्या भरतीसाठी नोटिफिकेशन प्रसिद्ध केलं आहे. या पदासाठी योग्य आणि इच्छुक उमेदवार recruitment.itbpolice.nic.in या अधिकृत वेबसाइटवर 8 ऑक्टोबरपासून ऑनलाइन अर्ज करू शकतात. इंडो-तिबेटियन बॉर्डर पोलीस दलाच्या या भरती प्रक्रियेतून कॉन्स्टेबल ड्रायव्हर नियुक्त केले जाणार आहेत. यात एकूण पदसंख्या 545 आहे. श्रेणीनुसार पदांचा तपशील पाहता यात अनारक्षित 209, ओबीसी 164, ईडब्ल्यूएस 55, एससी 77, एसटी 40 अशी एकूण 545 पदं आहेत. पदांसाठी अर्ज करणाऱ्या उमेदवाराचं वय 21 वर्षांपेक्षा कमी आणि 27 वर्षांपेक्षा जास्त नसावं.इच्छुक उमेदवार कोणत्याही मान्यताप्राप्त बोर्डातून इयत्ता 10वी उत्तीर्ण झालेला असावा. तसंच उमेदवाराकडे अवजड वाहन चालवण्याचा परवाना असणं आवश्यक आहे.